ވަކިވަކި ފުލުހުންނާއި ފުލުހުންގެ އާއިލާތަކުގެ ޒާތީ މައުލޫމާތު އާންމުކުރާނަމަ ގާނޫނީ ފިޔަވަޅު އަޅާނެ ކަމަށް ފުލުހުން ބުނެފިއެވެ.
ފުލުހުން ރޭ ނެރުނު ބަޔާނުގައި ބުނީ، މިދިޔަ ހުކުރު ދުވަހުގެ ރޭ މާލޭގައި އެމްޑީޕީގެ ފަރާތުން އިންތިޒާމުކޮށްގެން ބޭއްވި އެއްވުން ހުއްޓުވައި އަމަން ގާއިމުކުރުމަށް މަސައްކަތްކުރި ފުލުހުންނާއި އެފުލުހުންގެ އާއިލާގެ ބައެއް ފަރާތްތަކުގެ ޒާތީ މަޢުލޫމާތު ސޯޝަލްމީޑިއާގެ ވަސީލަތްތައް މެދުވެރިކޮށް އާންމުކުރަމުންދާ ކަމަށެވެ.
